Jose Perozo (Vigo, 1978) estudou Escultura na Escola de Artes Mestre Mateo (Compostela) e Maquinaria Escénica e Construción de Decorados en Escénica (Granada).Dende o ano 1998 reside en Santiago de Compostela, onde traballa no deseño e construción de escenografías e decorados para múltiples compañías de teatro e produtoras de cine e televisión de Galicia.

No ano 2017 inaugura Bastións na Igrexa da Universidade de Santiago, unha exposición de escultura cunha marcada influencia do teatral e o escenográfico, representadas nunha linguaxe industrial e onírica. Despois de participar en varios certames e colectivas, inaugura no ano 2018 Bastións II no Círculo de Empresarios de Galicia (Vigo), unha continuación da liña creativa da súa anterior mostra individual.

No 2019 inaugura Fragmentaria, nova liña escultórica produto da iniciativa Artista en Residencia 2019 da Fundación Eugenio Granell (Santiago de Compostela)…

Ler máis

No mesmo ano participa na exposición colectiva Tres Tristes Artistas na Casa das Peritas (Fisterra). Xa no 2020 inaugura xunto co pintor Eduardo Ortún “Entre o volume e o plano” no museo PO.RO.S de Coimbra. Actualmente traballa en novas pezas que continúan as súas anteriores propostas creativas.